الاثنين، فبراير 05، 2007

اذن.....هو التاج






فتحت التعليقات من كام يوم ولقيت المفأجاة

"tag" من دندنةhttp://www.danda87.blogspot.com

مكذبش عليكم اتبصت أصل الحاجات دي في المعتاد بتبقى ظريفة بس لما قريت التاج قعدت كتييييييييييييير أفكر وأتوغل وأنتشر كان ولازال سؤال صعب جدا جدا جدا

"خمس حاجات عنك محدش يعرفها لا أهلك ولا أصحابك ولا أي حد؟؟؟"

فييين أسئلة زمان اللي كانت الاجابة بتاعتها دايما "تونس" يلا الله يرحم المهم بصوا بقه وبسم الله الرحمن الرحيم الاجابة هي


الأولى: أنا من الصعب جدا جدا حد يخليني أزعل منه زعل من اللي هوا الكبير وعلى طول بعتذر وبصالح الناس اللي بحبهم حتى لو مكنتش غلطان بس لما حد فيهم بحس بغلطة منه اني ماليش قبمة عنده بغضب منه جدا جدا وبيقع من حساباتي بالذات لما يتأكد لي ان دي مش ثورة غضب" وعلى رأي سيدنا عمر:اذا أردت أن تصاحب رجلا فأغضبه فأن أنصفك من نفسه فصاحبه وان لم ينصفك فدعه"ودي الأولى


الثانية: أنا عارف وكل الناس عارفة اني مستفز لكن اللي محدش يعرفه ان كل استفزازي ده بيكون رد فعل لحاجة خنقتني جدا من اللي قدامي ومعظم الوقت مش بحس بيه ونادرا جدا ما استفزيت حد بقصد


الثالثة: بصراحة مش لاقي حاجة اكتبها مش عارف ليه بس بجد والله أنا من الناس اللي مش بيخبوا حاجة تقريبا مش حاسس اني عندي حاجات عاوزة تتقال



ممكن يكون في حاجات بس مش حاضرة أو أنا مخبتهاش أتمنى مكونش أحبطكم

ويا ريت انتوا كمان تشاركوني بخمس حاجات؟؟؟ مستني تعليقاتكم

14 Comments:

At 6:03 م, Blogger R.R said...

أزال المؤلف هذا التعليق.

 
At 11:16 م, Anonymous غير معرف said...

salamo 3leekom,ana 3arfa en elkalam da momken yeza3alak ya farouk meny nazaran le enak keteer 2olteli ed7'oli elmodawana,ana walahe kont bad7'ol bas kont a2ra 7aga w a7'rog bas enaharda a3adt 2areet 7agat keteer kol ma7'alas 7aga ala2i nafsi a3da a2ra elle ba3daha,w besara7a ana kanet fekreti enak betekteb kwayes bas besara7a enta begad mawhoob awi, 7aseet eny a3da a2ra lkateb kebeer, w aham 7aga en elshe3r elromansi gamed awi begad,ma3lesh ana tawelt 3leek bas da kalam 7aseto w kan lazem a2olo w en sha2 allah had7'ol elmodawana 3la toooool,salaaaaam Radwa Talal

 
At 11:27 م, Blogger R.R said...

مرت ار ار من هنا عدة مرات
وكتبت تعليق ومسحته لربما يبقى غلس

 
At 1:18 ص, Blogger yamen said...

انا ممكن اكتبلك 45 حاجة مفيش حد يعرفها عنك ولا حتي ابوك

بس ابقي خلي دندنة تكلمني

سلام

 
At 1:00 ص, Blogger R.R said...

ايه ايه ايه
هى ايه ال45 حاجه دى
بلاش كلها
قول خمسه بس زى مهو طلب

 
At 1:17 ص, Blogger dandana said...

وبعدين بقىىىىىىىىىىى

يعنى ايه مش لاقى حاجة تكتبها....

اصلا اصلا اساسا لو انت زى ما بتقول كدا من الناس اللى مابيخبوش حاجة كنت على الاقل مليت البروفايل يا اخى...

ما علينا من البروفايل...
بص كدا مش نافع...ماتخلنيش اروح ليامن يكتب كل اللى عنده...
اعمل تحديث ياباشا كدا وفكر....

عشان ماتستفزنيش...
lol

 
At 1:19 م, Blogger إبـراهيم ... معـايــا said...

يعني مش هتبقى واخد الكتاب ، وكماااان بقالك قرن ما دخلتش المدونة !!


تحياااااتي يا فاااروق



أنا جيت أهه


عشلان لو ليك شوق ف حاااجة !

 
At 4:54 م, Blogger أشرف حمدي said...

مدونة
Egyptian Matrix
فتحت يا مان
ياريت تشرفني هناك بقى
http://www.egmatrix.blogspot.com/

 
At 6:57 م, Blogger hosnysoliman said...

الحقيقة ان سعدت بالقاء الامس اشد السعاده مع هذا الشباب الجميل..ويمكن تصور مدى سعادتى بهذا اللقاء ارجوا ان يستمر وبوجود الجميع وكذلك اكتر من كده..ولى عوده لمدونتك ولكن بمزاج

 
At 3:45 م, Blogger micheal mohsen said...

سعدت بلقائك بس المرة الجاية أتمني نشوفك بدري عشان نقدر نتعرف كويس
تحياتي لك

 
At 4:49 م, Blogger ياسمين said...

ما ينفعش كدة
عاوزين بوست جديد بقى

 
At 11:22 م, Blogger R.R said...

اضم صوتى لصوت ياسمين
واقول
بطل كسل يافاروق متخليش الشغل يعطل الموهبه
اصحى بقى

 
At 1:25 م, Blogger ياسمين said...

مستنياك تيجى اللقاء الجديد الجمعة الجاية

تعالى عندى عشان تعرف التفاصيل ومش هتقدر تزوغ بسرعة المرة دى

 
At 1:39 م, Blogger R.R said...

كفايه بقى كسل عاوزين جديد

 

إرسال تعليق

<< Home